Regine nagpahabol lang pala sa GMA-7 kaya nag-apply sa ABS

Author: Ed De Leon
Column: Dream

Sa totoo lang, kahit umiiyak pa si Regine Velasquez sa SOP kung saan sinabi niyang nagdesisyon siya na huwag nang umalis sa GMA-7, parang malabnaw na ang dating niya sa publiko.

Bago kasi niya ibinulalas 'yun ay nasabi na ng mga taga-ABS-CBN na hindi naman daw siya inalok na lumipat sa kanilang network.

Sa totoo lang, si Regine naman kasi ang announce nang announce na wala naman siyang kontrata sa Siyete at maaari siyang magtrabaho sa Dos.

Kaya nga nang bandang huli ,nagtataka rin kami kung bakit naging issue ang paggawa niya ng isang tv drama sa ABS-CBN, na hindi naman pala talaga inialok sa kanya kundi siya ang nagsabing gusto niyang gawin 'yun.

Hindi rin namin alam ngayon kung sino ang nagkalat na igagawa pa siya ng isang musical variety show ng Dos, dahil wala naman daw ganoong balak.

Insulto pa talaga dahil gumawa na ng announcement ang Kapamilya na ang role na hinahabul-habol niya at dahilan sana ng pag-alis niya sa SOP ay ibinigay lang sa isang starlet na si Valerie Concepcion. Biglang bagsak tuloy ang level ni Regine.

Kahit na binigyan pa siya ng isang intro na mukhang ipinagmamalaki pa ng SOP na: "Tingnan ninyo, hindi ninyo naagaw sa amin si Regine," mabilis naman ang tanong ng mga nakakapanood ng: "Bakit, may umagaw ba?".

It remains to be a fact na nag-apply si Regine sa ABS-CBN at talagang desidido na siyang umalis sa Siyete kung talagang kukunin siya ng Dos.

Ngayon ay maliwanag na rin na hindi nagkaroon ng interest sa kanya ang ABS-CBN, kaya walang kaso ng sulutan. Walang kaso ng agawan. Walang sinusulot at walang inaagaw.

Inilako ni Regine ang sarili niya, pero hindi kinagat kaya siya nagbalik sa Channel 7.
* * *
Medyo nagbago ang ihip ng hangin at ipinagtatanggol ni Kuya Germs si Angel Locsin.

Walang dudang nainis din ang master showman nang biglang lumipat si Angel sa kalaban nilang network, pero nang nilalait na si Angel dahil hindi sumampa sa ratings ang seryeng ginawa niya, ipinagtanggol naman ni Kuya Germs ang kapwa niya artista.

Huwag naman daw sisihin si Angel dahil baka hindi naman siya ang problema.
Sa palagay ni Kuya Germs, walang problema sa project.

Baka raw dahil sa inis ng mga tao sa Meralco at NLEX ay ang ABS-CBN ang napagbabalingan ng 'paghihiganti' ng publiko.

Alam ninyo, may punto si Kuya Germs. Kasi kami lang, gusto na naming panoorin ang show ni Angel, pero basta naaalaala namin na Meralco ng mga Lopez ang nagpapamahal sa bayarin sa kuryente, lumilipat na lang kami sa programa ng GMA-7.
* * *
Kaya pala takot din ang male bold star sa lover ni-yang gay politician, kasi hindi naman pala siya nag-iisa at alam niya iyon.

Marami rin daw alaga ang gay politician na mga poging estudyante sa mga iskuwela-han sa bayan nila.

Ang drama, kunwari mga scholar sila, pero ang requirement ay hindi katalinuhan kundi kailangan ay pogi.

Iyan na nga ba ang sinasabi namin, eh. Diyan napupunta ang internal revenue allotment sa mga bisyo ng ating mga lingkod ng bayan kuno!

Source: Taliba