Regine, palihim na nagluto ng pagkain para sa mga biktima ni Ondoy

Author: Jun Nardo
Column: I Know Better!

TAMA si Joey de Leon sa pahayag nito sa 24 Oras na, “Panahon nga­yon ng salbabida at hindi ng pagbibida!”

Kasi naman 'yung mga ibang ce­lebrities at pulitiko riyan, kung maka-announce ng do­nasyon, para bang utang na loob pa ng mga biktima ang tulong sa kanila, huh!

'Yung ibang pulitiko naman, aba, with matching TV cameras pang nakatutok habang nagbibigay ng tulong sa nasalanta! Ano 'toh?

Si Regine Velasquez nga, lihim na nagluluto ng pagkain at pina-pack upang ipamigay, pero binuking siya ng boyfriend na si Ogie Alcasid sa good deeds niyang ito, huh! Tama lang naman si Ogie nang hindi masabihang insensitive ang Songbird sa mga kapus-palad!

Maging ang mag-asawang Judy Ann Santos at Ryan Agoncillo, aba, kung hindi in-announce ni Kris Aquino sa Showbiz News Nga­yon na kusang bumalik ang mag-asawa sa village nina Gladys Reyes upang mamigay ng bottled water, hindi pa ito malalaman ng publiko! Ang mag-asawa ang tumulong kay Gladys sa kasagsagan ng bagyong Ondoy nang ma-trap sa bahay nila.

Ang nakakatuwa ay si Ruffa Gutierrez. Talagang nanawagan sa ma­yayaman niyang friends na mag-donate sa Sagip Kapamilya! As if wala siyang yaman, huh! Ha! Ha! Ha!

Tumulong din si Pops Fernandez sa pamimigay ng relief goods sa mga nasalanta sa Muntinlupa na malapit sa bahay nila sa Alabang. Fresh na ang dating ni Pops na nu'ng Linggo ay umaa­ngal dahil sa nawalan ng tubig ang village nila! Wish nga ni Pops matapos maminsala ni Ondoy, bigyang-pansin ng mga politicians ang drainage sa Metro Manila upang hindi na maulit ang super-baha na pinagdudusahan hanggang ngayon ng mga Pinoy!

Nakakatuwa ngang ma­­laman na magkatuwang ang Channels 2 at 7 sa panga­ngalap ng donasyon para sa kababayan nating nasalanta ni Ondoy.

Mil­yones talaga ang nagbibigay ng donasyon sa kanila, huh! Eh, kung ang ABS-CBN at GMA na lang ang magpagawa ng drainage sa Metro Manila upang hindi na maulit ang delubyo, aba, makabuluhang legacy 'yan ng warring networks!

Ang bagyong Ondoy na nga raw ang pinaka­malupit na bagyong hu­magupit sa bansa sa loob ng apat na dekada, ayon sa tinuran ng mga naging biktima. Haha­yaan ba nating maulit ang pangyayaring ito sa ating susunod na henerasyon?

Aba, the power is in our hands sa darating na eleksyon! Huwag hayaang mamayaning muli ang mga corrupt na po­liticians! Tama na! Sobra na!

Tigilan na!

Source: Abante

Copyright © 2005 - 2009. Telebisyon.net. This article is a copyright property of Abante. This page serves as an archived copy of the article written by Jun Nardo. All rights reserved. No part of this website shall be copied or reproduced in any means possible without explicit permission from the owners.