Regine, tunay na reyna ng GMA

Author: Alfie Lorenzo
Column: Star Nga Ba?

WALA na ngang dahilan para magtampo pa si Regine Velasquez sa GMA 7. Eh, heto nga at ibinibigay na sa kanya ang lahat ng importansiya, at ipinaparamdam talaga sa kanya ng GMA na siya talaga ang tunay na reyna nila, no!

Aba, sa Sunday nang gabi (SNBO) ay imbitado ni Regine ang lahat ng mga nagmamahal sa kanya, para sa espesyal na selebrasyon ng kanyang birthday, ang The Best of Me.
Dalawang oras ito na puno ng kantahan, na sobrang special talaga dahil sa loob pa ng kanyang bahay ginawa, ha!.

Siyempre, join ang mga friends niya sa pagkanta sa kanya, tulad nina Jay-R at Kyla.
Eh, mawawala ba naman ang love ni Regine na si Ogie Alcasid. Nakakakilig daw ang duet nila, ha!

Pero, ang dapat daw abangan ay ang dalawang special guests niya.
Anyway, ilan sa mga kakantahin ni Regine ay ang mga hit music noon at ngayon tulad ng Bubbly, Perte, Hotel California, Hindi Na Ayoko Na.
Kakantahin din niya sa unang pagkakataon ang awiting Babae, na theme song ng Pinoy-animated movie na Urduja.

***
Hitik na hitik naman sa selebrasyon ang magaganap sa Aliwan Fiesta. Aba, sa May 1 pa lang ay idaraos na nila ang Pasakalye 2008, na kung saan ay may dance showdown ang iba't ibang paaralan, at tutugtog ang mga sikat na bandang Mocha, 6 Cycle Mind, Shamrock, at Calla Lily, pati na ang Balasubas at Balahura ng 90.7 Love Radio na sina Chris Tsuper and Nicole Hyala.

Sa May 2 naman ay nandiyan ang grand coronation night ng Reyna ng Aliwan, na ihu-host ni Bobby Yan. Sina Gian Magdangal at Jay-R ang mga special guests.
Sa May 3 ay gaganapin naman ang awards night ng Aliwan Fiesta, na ihu-host nina Marvin Agustin at Valerie Concepcion. Gaganapin ito sa Sotto Street, kaharap ng Aliw Theatre sa CCP Complex, Roxas Boulevard, Pasay.

Magpapakitang gilas sina Isay Alvarez at Robert Sena, pati na ang mga ethnic musicians na sina Diwa de Leon, Benny Sokkong, Julliard Vergara, Jay Cayuca, pati na sina Luke Mejares at Pido Lalimarmo.

Matindi nga ang preparasyon ng Manila Broadcasting Company at Sentrong Pangkultura ng Pilipinas, kasama ang mga lungsod ng Maynila at Pasay sa okasyong ito. Sa tulong ng Smart Buddy, Tanduay, Enervon, Biogesic, Coca-Cola, Scotch Brite, Dunkin' Donuts, at McDonald's.

Source: Abante