Related Celebrities

Rhian, masaya sa cheesecake ni Dingdong

Author: Abante

BLUEBERRY cheesecake ang natanggap na birthday gift ni Rhian Ramos mula kay Dingdong Dantes. Kaya sabi ni Rhian, takang-taka siya na sinabi raw ni Dingdong na wala itong nairegalo sa kanya.

Anyway, hindi itinanggi ni Rhian na nasurpresa siya sa regalo ni Dingdong.

Hindi raw niya inaasahan na mag-e-effort si Dingdong na bigyan siya ng paborito niyang cake/sweets.

Bukod sa cake, wala na raw siyang inaasahan pang regalo mula sa leading man niya sa Stairway To Heaven. Kuntento na raw siya sa ipinadala nito.

Anyway, mukhang hindi naman affected si Rhian tungkol sa diumano ay namumuong away sa pagitan nila ni Marian Rivera. At sinabi rin ng isang taong malapit kay Rhian na bagama't madalas na nag-uusap sa taping ng Stairway... sina Rhian at Dingdong, hindi raw masasabing super close na ang dalawa.

Iginiit pa ng kausap namin na respetado ni Rhian ang relasyon nina Marian at Dingdong. At asam nga ni Rhian, tigilan na ang pang-iintriga sa kanila nina Marian at Dingdong. (REY PUMALOY)
***

Siyanga pala, pati pagkanta ay pinasok na rin ni Rhian ngayon. Kamakailan ay inilunsad ng X-Play Online Games Inc. (X-Play) at Bellhaus Entertainment Inc. ang kanyang singing career with the Audition Dance Battle dance album, na kung saan ay carrier single ang You.

“It's been such a great year for me. Sobrang dami kong blessings na nakuha this year. I wanted talaga to be able to give something new to everyone who supported me. This year, singing was it,” sabi ni Rhian.

Last Sunday sa SOP ay ipinalabas na rin ang music video ng You, na dinirek ni Jeff Tan.

Siyang pala, Audistas ang tawag sa mga naglalaro ng Audition Dance Battle. Audition Dance Battle offers the ultimate online gaming experience para sa mga mahilig sumayaw ng fun and funky dance hits.

“My song is featured inside the game and soon, I will have my own avatar (character) in the game, which means you can dance (online) pero ako yon,” sabi ni Rhian.

Para sa mga fans ni Rhian, puwede rin kayong maki-party sa kanya. Mag-text lang ng TONE RHIANYOU (for monotone), POLY RHIANYOU (for polytones), TTONE RHIANYOU (for truetone), at i-send to 4627.

Dadayuhin nga pala ni Rhian ang mga fans niya sa SM Davao ngayon, at sa Oct. 24 ay nasa SM Manila siya, at sa Nov. 07, SM Batangas, Nov. 14, SM Baguio, Nov. 21, SM Cebu, Nov. 29, SM San Lazaro (Manila).

Source: Abante