Related Celebrities

Roxanne nagpasaway?

Author: Sun.Star
Column: Davao, Kalingawan

GALIBOG ang beauty ni Roxanne Guinoo sa mga migulang tsismis nga gibato kaniya sa kasamtangan.

Usa na dinhi ang grabeng attitude problem sa dalaga.

Say pa sa tsika nga may usa ka direktor ang nag walk-out human wala tumana ni Roxanne ang gusto niyang ipabuhat.

Tsismis sab nga daghang artista ang di na feel nga makig-uban ni Roxanne sa trabaho tungod sa di ma-explain nga attitude niini. May higayon nga sobra kini ka late moabot sa taping o shooting.

Latest chika kang Roxanne mao nga gihulipan na siya isip celebrity endorser sa usa ka clothing brand tungod sumala pa di niya feel nga sul-ubon ang sexy outfit nga ginapasuot kaniya.

Apan si Roxanne dali nga misagang sa mga tsika. May pipila sa mga tsismis ang iyang gi-angkon, duna say iyang gilimod.

"Bilang artista, sabi nga nila kailangan open ka sa lahat ng mga roles or scenes na ipapagawa sa iyo. Pero may times na parang hindi ka na kumportable. Mahirap naman na magtrabaho ka pero wala roon ang concentration mo. It means na may problema, di ba? Hindi naman ako nagmamarunong. Nagiging totoo lang ako sa nararamdaman ko. Kung hindi ako kumportable sa isang eksena, hindi magandang lalabas yon dahil makikita sa mukha ko," ni Roxanne.

Di na sab gusto ni Roxanne nga nganlan ang direktor nga nag walk-out tungod niya. Apan giklaro niini nga dili sa siyuting sa Tarot nahitabo ang walk-out.

Pag-isplikar ni Roxanne nga nalingaw siyang nakig-uban sa mga kapuso talents nga sila Marian Rivera ug Dennis Trillo.

Source: Sunstar Daily