|
|
| Ryan Agoncillo and Judy Ann Santos not avoiding the media —Ryan's manager Author: Julie Bonifacio Walang maisagot na kumpirmasyon ang manager ni Ryan Agoncillo na si Noel Ferrer sa eksaktong araw ng pagdating sa bansa ng kanyang talent last week kasama ang girlfriend nito na si Judy Ann Santos. Balitang-balita kasi na on a weekday, hindi noong Sabado (June 28), gaya ng sinabi ni Noel, dumating sina Judy Ann at Ryan mula Europe. "Saturday, kinausap ni Juday si Tito Alfie [Lorenzo, Judy Ann's manager] at Saturday sila nagparamdam sa amin. So, yun. Ako naman, ang requirement ko lang talaga, Ryan is supposed to be here for the activity nung Sunday [June 29]," lahad ni Noel sa PEP (Philippine Entertainment Portal) sa launching ng Renee Salud for Natasha last Monday, June 30, sa Sulo Hotel. Hindi siya aware na dumating ng Pilipinas nung Miyerkules sina Ryan at Juday? "Ang requirement ko lang talaga, dumating sila ng before Sunday kasi may nakakompormiso kami ng Sunday," ulit ng talent manager ni Ryan. Wala man lang bang sinabi sa kanya si Ryan na darating sila ni Judy Ann ng weekday? "Hindi ako nagtanong. Kasi ang dami nang nagtatanong, ayokong magsinungaling," sagot niya. ELUSIVE INTERVIEW. This is not the first time na umiwas si Judy Ann sa media. Pati ang manager niyang si Alfie ay tinaguan daw niya ng detalye tungkol sa engagement nila ni Ryan. At ngayon, pati ang pagbabalik nila sa Pilipinas ay parang inilihim nila sa media. "Hindi," depensa naman ni Noel. "Eto na, sasabihin ko na ngayon, may interview sila kay Sharon [Cuneta] ngayon [June 30], para sa show ni Sharon. It's just proper that they have that first interview with Sharon kasi siya yung isa sa unang tinawagan nung engagement ni Judy Ann. 'Tsaka nagkita na sila sa London." After Sharon, kanino naman sila magbibigay ng interview? "Hindi ko alam," ani Noel. "Kasi aalis sila papuntang Paris for the Paris Film Festival. Basta dapat nandun sila on the 4th kung saan ipapalabas ang Ploning." Lumalabas tuloy na very selective ang mga taong pinipili nina Judy Ann at Ryan sa mga bagong kaganapan sa buhay nila. "Hindi, kapatid," paglilinaw ni Noel. "I think, yun, ano lang... I think they owe it to Sharon. Sharon is one of the closest friends. I think nag-usap na sila sa London kasi nagkita sila sa London." Pero hindi ba nila naisip that they also owe it to the public na malaman ang mga bagong kaganapan kina Ryan at Juday since they've been telling stories about it to some people in the industry? "I think so, I think so," pagsang-ayon naman ni Noel. "I think in due time, they'll do it. And I think little by little, first they granted the interview with YES! And now, with Sharon." Masyado na raw nagpapa-hard-to-get ang magkasintahan sa media. Ano ang masasabi ng manager ni Ryan dito? "I think it's something very personal. Yun naman ang sinabi ni Ryan, as much as possible... Well, as much as sharing the whole thing to the public for some details kasi nasabi na nila sa YES!, 'tapos kay Sharon. Siguro yun, hanggang maaari, parang wala silang oras to savor the moment. After siguro the vacation and after the trip to Paris, siguro yun, mas magiging work mode na. "Kasi ngayon, parang hindi pa work mode. It's really more after the birthday party, then after the vacation, then after the Paris Cinema. Parang ano pa 'yan, e, more socials and enjoying the whole thing. If we ask them about them, yung mga details sa plans about the wedding, wala pa talaga. Parang they're still savoring the moment na engaged sila, parang ganun," mahabang paliwanag ni Noel. WEDDING IN EUROPE? May ikinuwento na ba sa kanya si Ryan tungkol sa balitang nagpakasal sila ni Juday sa Europe? "Ako, kahit wala na silang kuwento, alam ko na hindi mangyayari," sabi ni Noel. "Kasi like what I told you, wala silang nakuwento, number one. Number two, I don't think they will get married sa ibang bansa. If ever, they would want to share the happiness with the people they love here in the Philippines." Hindi kaya magulat na naman siya kapag nabalitaan niya na kasal na talaga ang alaga niya kay Judy Ann? "It would be a nice shock if ever. But I think they will consider how their closest relatives and friends would feel." May balita rin na kaya hindi nagsasalita tungkol sa kasal nila ang dalawa dahil sa clause na nakapaloob sa kontrata nila, lalo na kay Judy Ann. "Ay, hindi ko alam! Ryan will always be supportive of her. Kay Ryan, walang limitations [ang kontrata for endorsements]. Yung mga endorsements niya ngayon will grow with him. In case he will have a family, sasamahan siya, ganun. So yun actually yung requirement din namin sa pagkuha ng endorsement. Parang a product na hindi one-shot deal, a product that can grow with them as a family." With all the issues about engagement and wedding, sa tingin ba ni Noel ay makakaapekto kay Ryan ito at mababawasan na ang appeal niya sa fans, especially ang mga babae? "He's never banked on that. I think it's more of talent than popularity, so it's better na doon. Dahil magaling siyang mag-host, marunong siyang umarte. I think that's more important than that." Pero sa kabilang banda, napatunayan daw ni Ryan na talagang mahal niya si Judy Ann at hindi totoo ang mga paratang na ginamit lang niya ang young superstar. "Sa tingin ko, hindi na kailangan patunayan. Kasi parang from the start, they were open and they were really sincere to each other," pahayag ni Noel. THE PROPOSAL. Hindi ba humingi ng tulong sa kanya si Ryan sa pag-propose noon kay Judy Ann? "Ah, meron," sagot ng manager. "Pero yung pinaka-last leg na pagkuha ng ring, hindi. But I knew of the plan. But the execution part was his, siya talaga yun." At pinayagan naman niya? "He didn't have to ask permission. Parang I don't want to meddle sa kanyang personal na buhay." Humingi ba ng apology si Ryan sa kanya for not telling it first sa kanya tulad ng ginawa ni Judy Ann kay Alfie? "Ako, they don't have to. I understood. As their friend, naintindihan ko." More or less, nagkuwento na ba sa kanya si Ryan ngayon? "Hindi pa nga detalyado, e. I haven't seen the ring!" natatawang sabi ni Noel. Inseparable na raw sina Judy Ann at Ryan. Nagli-live in na ba sila? "Desisyon nila yun. Ako, I manage his career; I'm beyond that. Hindi ko alam. Or I don't even dare to ask," maingat na sabi ni Noel. Source: Philippine Entertainment Portal |
