Ryan Agoncillo, madalas landiin ng mga dalaga!

Author: Abante

Bagama't kasal na, hindi pa rin daw naiiwasan ang ilang kababaihan na karamihan ay mga dalaga na magpakita ng motibo, o landiin ang aktor na si Ryan Agoncillo.

Aminado si Ryan na nafa-flatter pa rin siya sa tuwing may mga dalagin­ding na bigla na lang kiki­ligin sa tuwing nakikita siya. Pero, ano naman kaya ang tingin dito ng asawang si Judy Ann Santos?

“Pag may mga umaaligid kay Ryan, yayakapin ko na lang siya bigla ng sob­rang higpit at magi­ging super sweet ako sa kanya!” pabirong sabi ni Juday.

“Pero seriously, wala naman sa amin 'yon ni Ryan. Natural na 'yun kasi artista siya at marami talagang humahanga sa kanya,” dugtong na sambit ni Juday.

Dagdag pa ng award-winning actress, confident siya sa pagsasama nila ni Ryan at hindi magiging balakid ang ganoong uri ng sitwasyon sa kanila.

Pero, magiging ganito rin kaya ang reaksyon ng kanyang character na si George sa “George and Cecil” ngayong gabi (Nov 1) kapag nalaman niyang may nagpaparamdam din sa asawa niyang si Cecil? Hindi nga lang ito tao kung hindi multo!

Tunghayan ang katatakutang dala ng George and Cecil, pagkatapos ng “Sharon” sa ABS-CBN.

Source: Abante

Copyright © 2005 - 2009. Telebisyon.net. This article is a copyright property of Abante. This page serves as an archived copy of the article written by Abante. All rights reserved. No part of this website shall be copied or reproduced in any means possible without explicit permission from the owners.