 |
| Nov 24 |
| Home | Login | Browse | News | TV Schedule | Preference | Help |
|
|
| Several celebrities show up at Cory's burialAuthor: GMANews.TV Maging ang industriya ng showbiz ay nakidalamhati sa pagpanaw ni dating Pangulong Corazon "Cory" Aquino. Ilang artista ang nagpunta sa huling gabi ng burol habang ang iba naman ay nag-alay ng awitin sa huling misang inialay sa namayapang dating lider. Ilan sa mga bituin na namataang dumalaw sa huling burol ni Gng Aquino sa kabila ng malakas na buhos ng ulan sa Manila Cathedral ay sina Gloria Diaz, Bing Loyzaga, Marjorie Barreto at Pops Fernandez. Nandoon din ang kaibigan ni Kris Aquino na si Boy Abunda. Hatinggabi naman nang dumating ang mga Kapuso star na si Dingdong Dantes kasama si Marian Rivera. "Ate Kris condolence and I love you. Tapos sabi nya alam mo love din kita, so yun," kwento ni Marian sa Chika Minute portion ng GMA news 24 Oras nitong Miyerkules. "Ako sabi ko her family especially your father and mother will be an inspiration, specially to me," sambit naman ni Dindong. This page requires a higher version browser Kasama nila Dingdong at Marian sina Direk Louie Ignacio, at GMA senior vice president for entertainment TV na si Wilma Galvante. Nauna nang bumisita sa burol si GMA senior vice president for news and public affairs Marissa Flores. Dumalaw din si Batangas Gov Vilma Santos, kasama ang asawa na si NEDA Director General Ralph Recto at anak na si Ryan. Sa isinagawang madamdaming requiem Mass, inawit naman ng international star na si Lea Salonga ang bersyon ng "Bayan Ko," na naging theme song noong panahon na nakikipaglaban sa demokrasya si Gng Aquino. Umawit din sina Regine Velasquez, Martin Nievera, Dulce, Zsa Zsa Padilla, Philippine Harmonic Orchestra, at iba pa. - Fidel Jimenez, GMANews.TV Source: GMANews |
