|
|
| Sharon, hinigop ni John!Column: Hot 'n Spicy Kung si Sharon Cuneta ay pawang magaganda ang sinasabi tungkol sa kanyang leading man sa Caregiver na si John Estrada, grabeng papuri rin naman ang maririnig sa aktor patungkol sa Megastar. "Wow, unbelievably nice si Sharon. Saka ang masarap dito, nasa ibang bansa kasi kami, eh. So, makikita mo 'yung totoong pagkatao ng isang tao, eh. "Kasi du'n, kanya-kanya, makikita mo talaga, she does her own things, you know. Humihiga lang siya sa. .. wow, 'pag nakita mo, iisipin mo, ito 'yung Megastar namin du'n, pero napakasimple niya. Minsan sa café kami, marumi 'yung ano, wala siyang pakialam. "You know, napakagandang traits nu'n para sa isang kasing-laki niya," mahabang kuwento ni John sa experience niya with Sharon sa London shooting. Kung si Sharon ay sinasabing napakagaling na aktor ni John sa Caregiver, ayon naman sa aktor, panoorin na lang ang movie kung totoo nga. "Kasi, alangan namang buhatin ko ang sarili kong bangko. But definitely, you know, it's a Chito Roño movie. He wants everybody to shine. Totoo 'yung sinabi ni Sharon na even alas-kuwarto or alas-singko ng umaga, hindi palalampasin ni Direk Chito kung nakikita niyang... hindi siya puwede ru'n sa 'okay na yan' or 'puwede na 'yan'," say pa ng aktor. Iniintriga rin ang napaka-intense na kissing scene nila ni Sharon sa pelikula at say ni John, it was needed in the story. "Because naman, sa storya, mag-asawa kami, seven or six months kaming hindi nagkita. 'Yung instruction ni Direk, it should be passionate. Take 1 naman, tuwang-tuwa naman si Direk. Kaya nga sabi ni Sharon, hinigop ko siya," he said at nagkatawanan. Samantala, when it comes to his personal life, very open si John na pag-usapan ang Brazilian girlfriend na si Priscilla Mereilles. Almost one year na ang relasyon nila at bagama't magkaiba sila ng lahi, hindi nila problema ang cultural differences. "Actually, ang culture ng mga Braziliano, pareho natin. It's a Roman-Catholic country, it's a tropical country and si Priscilla, napaka-close sa family niya. Grabe ang bonding nila. " Inamin din niyang nagkita na si Priscilla at ang ex-wife niyang si Janice de Belen nang isama niya ang girlfriend sa graduation ng anak nila ng dating asawa. Pero, hindi raw nagkaroon ng chance na ma-introduce ang dalawang girls. "Kasi siyempre, graduation 'yun. Pero nakita niya (Janice) na kasama ko, nakita niya na nagbeso-beso sa mga anak ko, ganu'n. " Naitanong din namin kay John kung ano ang reaksyon niya sa sinabi ni Claudine Barretto na hindi pa siya ready na makasama ang aktor. "Okay lang sa akin. I respect her wishes, and you know, I mean, that's her wish, and okay lang sa akin 'yun. But nagkita na naman kami, pero okay naman. And I thank God and I thank her for being civil and you know, level-headed siya. " Hindi raw totoo 'yung nai-report na nag-isnaban sila nang magkita sa isang party. "That's not true. That's why I take off my hats to her because she's very decent and very civil to me, and she even smiled at me and I guess, alam na niya na tapos na 'yung chapter na 'yun and we all moved on. " Naniniwala rin daw siya na wala rin silang problema ni Gretchen Barretto although aniya, wala raw talaga silang communication at all. "It's better off na 'yung ganu'n," he said. First time na magkasama nina Sharon at John bilang magkapareha sa isang pelikula. At hindi maiwasang i-recall na dati, ang leading man ng Megastar ay ang kaibigan ng aktor na si Richard Gomez. Hindi nga raw nila akalain pareho na magkakaroon din ng chance na magkapareha sila at sa isang pelikula pang napakaganda tulad ng Caregiver. The movie is showing on May 28 at bukod kina Sharon at John, also in the cast are Rica Peralejo, Makisig Morales, Jhong Hilario, Boots Anson-Roa, John Vladimir Manalo at marami pang iba. Source: People's Tonight |
