Star Awards for Movies nominees released

Author: Julie Bonifacio

Kasado na ang pinakamaningning na awards night ng 2009, ang 25th Star Awards for Movies ng Philippine Movie Press Club on May 28, Thursday, 7 pm, sa Henry Lee Irwin Theater ng Ateneo University na magkatuwang na produksiyon ng PMPC at FLT Films International, Inc. Star-studded talaga ang awards night pati na ang list of nominess and special awards na bibigyan on that momentous event. No less than the Diamond Star Maricel Soriano, Box-Office Queen AiAi delas Alas and TV host ng top-rating na game show na The Singing Bee na si Cesar Montano ang hosts ng 25th SAFM.

Ang hottest stars naman sina Piolo Pascual at KC Concepcion ang trivia hosts. Nominado rin si KC as New Movie Actress of the Year para sa first movie appearance niya sa For The First Time. Kakantahin naman ng The Ultimate Multimedia Star na si Toni Gonzaga with Ronnie Liang and Jar-R Siaboc ang nominated theme songs for this year.

Darating din sa 25thSAFM upang gawaran ng Ulirang Artista Lifetime Achievement Award ang Star For All Seasons na si Batangas Governor Vilma Santos.Dito kakantahan si Governor Vi ng kanyang ultimate leading man na si Christopher de Leon na siya ring may pinakamaraming award na tinanggap mula sa PMPC Star Awards for Movies para sa kategoryang Movie Actor of the year at ang historical achievement niya for the first and only double winner nu'ng 1990.

This year, limang artista ang may double nominations sa 25TH SAFM. Pinangungunahan ito ng Movie Queen of All Time na si Ms. Gloria Romero na nominado bilang Movie Actress of the Year sa Fuchsia at Supporting Actress sa Paupahan. Pangalawa, si Baron Geisler nominado sa Movie Actor of the Year sa pelikulang Jay at Supporting Actor for Baler. Pangatlo, ang child actor na si Julian Duque, ng Boses (a Cinemalaya '08 entry), para sa New Movie Actor at Best Child Performer. Pang-apat, si Dingdong Dantes na contender sa dalawang special awards, ang Newsmaker of the Year (with co-nominee, Marian Rivera) at Darling of the Press, na katunggali niya ang mag-amang Edu at Luis Manzano, the two Vice-Mayors, Herbert Bautista ( Quezon City) and Isko Moreno (Manila) and popular celebrities, Vicky Morales and Angel Locsin. At pang-lima ang aktor na si John Lloyd Cruz na nominated sa A Very Special Love as Movie Actor of the Year at Newsmaker along with his leading lady for that movie na si Sarah Geronimo. KC's actor-dad, Gabby Concepcion, clinched a nomination, also as Newsmaker of the Year (2008), because of his highly successful showbiz comeback. Sa category ding ito lalaban ang boxing champ na si Manny Pacquiao at phenomenal singing sensation, Charice Pempenco.

Isa ring sorpresa ang nakalaan sa mga tagahanga ng Superstar na si Nora Aunor, na ang tinampukang klasikong pelikulang Himala (ni direktor Ishmael Bernal, at screenwriter, Ricardo Lee) ay gagawaran ng Special Recognition, bilang Best Film of All Time (ayon sa CNN-Asia-Pacific Screen Awards' Online Poll noong 2008). Bibigyang-halaga ng 25th Star Awards for Movies 2009 ang natamong tagumpay sa larangan ng pagganap ng Superstar na si Nora Aunor at ipagkakaloob ang Award for Global Achievement in Cinematic Excellence and International Recognition. Isa itong natatanging pagkilala sa klasikong pelikula ni Bernal, at sa lahat ng mga naging kabahagi nito, sa pangunguna ni Ms. Aunor.

Nominado naman ang Megastar na si Sharon Cuneta, bilang Movie Actress of the Year, matapos ang kung ilang taong pagiging inactive sa movies, para sa pelikulang Caregiver. Makakalaban niya ang mga nag-best actress last year, tulad nina: Mylene Dizon (Cinemalaya '08, for 100), Jodi Sta. Maria (Cine Manila International Filmfest '08-Digital Lokal, for Sisa), at Anne Curtis (Metro Manila Filmfest '08, for Baler). Kabilang din sa lead actress-nominees sina Judy Ann Santos para sa Kulam, Irma Adlawan sa Hubad at veteran actress Gloria Romero for Fuschia.

Like in the female lead category, exciting din ang labanan para sa Movie Actor of the Year sa taong ito ng 25th Star Awards for Movies. Bukod kina John Lloyd Cruz at Baron Geisler, may nominasyon sina: Aga Muhlach para sa When Love Begins, Allen Dizon sa Paupahan, Ronnie Lazaro sa Yanggaw, Carlo Aquino para sa Carnivore at Jericho Rosales for Baler.

Sa Movie Supporting Actress of the Year category ay muling lalaban ang nanalong best supporting actress ng Cinema One Originals Film Fest na si Techie Agbayani for Yanggaw. Talunin kaya niya this time ang mga makakatunggaling sina Shamaine Buencamino for Ang Lihim Ni Antonio, Gloria Romero at Snooky Serna for Paupahan at Tessie Tomas para sa 100.

Sa Movie Supporting Actor of the Year category, si Phillip Salvador ang tanging nominado na mayroon nang napanalunang award last year, sa Metro Manila Filmfest '08 (for Baler). Talunin pa kaya siya ng sinuman sa mga co-nominees, tulad nina: Ricky Davao para sa Boses, Emilio Garcia para sa Walang Kawala, Baron Geisler for Baler at German Moreno for Paupahan.

Para sa Movie/Director of the Year (mainstream) category, nominado ang mga sumusunod: A Very Special Love (Star Cinema-ABS-CBN Film Productions, Inc.) ni direktor Cathy Garcia-Molina; Baler (Viva Films/Bida Foundation) ni Mark Meilly; Caregiver ( Star Cinema-ABS-CBN Film Productions, Inc.) ni Chito S. Rono; Kulam (Regal Entertainment, Inc.) ni Jun Lana ; Magkaibigan (Maverick Films) ni Jose Javier Reyes; at Ploning (Panoramanila Pictures, Inc.) ni Dante Nico Garcia.

Sa Digital Movie/Director of the Year category, nominado ang mga sumusunod: 100 (Martinez-Rivera Films Productions) ni Chris Martinez; Boses (Erasto Films) ni Ellen Ongkeko-Marfil; Jay (Pasion Para Pelicula Productions) by Francis Xavier Pasion; Paupahan (ATD Productions) ni Joven M. Tan; Sisa (Oncam Productions, Inc.) ni Crisostomo Juan Andaluz; Torotot (Viva Digital) ni Maryo J. delos Reyes; at Yanggaw (Creative Programs/Strawdogs Studio Productions) ni Richard Somes.

Mapapanood ang TV coverage ng event sa Sunday's Best ng ABS-CBN 2 sa Hunyo 21, 2009. Ito'y mula sa direksiyon ni GB Sampedro na direktor din ng morning show na "Ruffa and Ai" sa ABS-CBN.

Source: ABS-CBN Interactive