Studio ng 'The Buzz,' nabalot ng tensyon!

Author: Eric John Salut

NAGKAROON ng tension sa studio ng The Buzz noong Linggo dahil bandang alas-tres ng hapon, nakatanggap ng sulat ang executive producer nitong si Nancy Yabut mula kay Mrs. Rose Flaminiano requesting na huwag i-ere ang interview kay Gabby Concepcion.

Upon consulting their lawyers at sa maayos na pakikipag-usap kay Mrs. Flaminiano, itinuloy pa rin ng staff ang airing ng interview ni Gabby.

"We had to air it, kasi 'yun ang content ng show," sabi ng isang staffer. "It was supposed to be a back-to-back Gabby-Mommy Rose segment, kaya lang, hindi nga dumating si Mommy Rose sa interview niya with Tito Boy (Abunda). "

Isang hand-written letter ang ipinahabol ng controversial manager. But due to its libelous contents, hindi puwedeng sabihin on-air ang full content nito.

Instead, inihayag ni Boy Abunda na matinding pinabubulaanan ni Mrs. Flaminiano ang mga sinabi ni Gabby.

Nangako (na naman) si Mrs. Flaminiano na itutuloy na ang interview this Sunday, September 21, sa The Buzz.

Doon daw ay ihahayag niya ang side sa lumalalang sigalot nila ni Gabby.

* * *

MAAGANG nagsimula ang birthday party ni Wenn Deramas noong Linggo ng gabi sa Gerardo's Restaurant sa Quezon City.

Alas-otso ng gabi pa lang, marami nang guests.

Dumating sina John Lloyd Cruz, Ai-Ai de las Alas, Gabby Concepcion, Anne Curtis, Luis Manzano, Matt Evans, Zanjoe Marudo, Shaina Magdayao, Agot Isidro, Deejay Durano, Mickey Ferriols, Serena Dalrymple, Jaclyn Jose, Eugene Domingo, Lloyd Samartino, John Lapus, Chokoleit, Epi Quizon, Matt Mendoza, Carlos Morales, Jenny Miller, Cherry Pie Picache, Karla Estrada, Jojit Lorenzo, Rico Robles, Ogie Diaz, Angge, Janus del Prado, Jiro Manio, Alwyn Uytingco at marami pang iba.

Present din ang mga ABS-CBN boss na sina Cory Vidanes, Deo Endrinal, Enrico Santos, Louie Andrada, Cathy Ochoa-Perez, Tess Fuentes at Lauren Dyogi, pati na ang mga director na sina Erick Salud, Ruel Bayani, Andoy Ranay, Maryo J. delos Reyes at Rechie del Carmen.

May mga celebrity na inasahan naming darating. Pero ala-una na, wala pa.

"Masaya na ako sa mga dumating sa party ko, ayaw ko nang maghanap pa ng iba," ang nasabi na lang ng mahusay na direktor.

Happy, happy birthday, Direk Wenn!

* * *

PERSONAL: Birthday greetings to ABS-CBN business unit head for talk Louie Andrada, who is turning a year today, September 16.

Louie started sa ABS-CBN 15 years ago. Naging production assistant, segment producer, writer, executive producer at production manager na siya ng iba't ibang shows.

Ngayon, isa na siya sa well-loved bosses ng ABS-CBN. Happy birthday, Sir Louie!

Source: People's Tonight