Sunshine Dizon nixes acting showdown with co-star Iza Calzado in All About Eve

"Ever since naman, you know, I've worked with her, it was never an issue naman between us, na may ganung factor. Wala namang labanan, tulungan na lang," says Sunshine Dizon about All About Eve co-star Iza Calzado.

Author: Rommel Gonzales

Dumating last Monday, March 16, si Sunshine Dizon mula sa Singapore kung saan nag-taping sila para sa All About Eve ng GMA-7. The following night, March 17, dumalo naman siya sa premiere night ng pelikulang Sundo ng GMA Films.

Ayon kay Sunshine, na nakausap ng PEP (Philippine Entertainment Portal) sa premiere night ng Sundo, puro trabaho talaga ang ginawa niya sa Singapore.

"Hindi ko po naramdaman na umalis ako!" natatawa niyang sabi. "Pagdating ko po dun, nagtrabaho po ako agad. Then, umuwi po agad ako kasi I have to tape for Bubble Gang."

Pero naisingit naman daw nila ng co-stars niyang sina Iza Calzado at Mark Anthony Fernandez ang mabilisang bonding.

"When I got there, Iza and I walked around for a while and we met up with Mark sa isang restaurant, and yun lang. Saglit lang, almost two hours lang din. Feeling ko, parang nagpunta lang ako ng Cebu, parang balikan lang na nagtrabaho ako!" tawa niya ulit.

NO ACTING SHOWDOWN. Nilinaw rin ni Sunshine na walang patalbugan sa pagitan nila ni Iza sa All About Eve--sa pananamit man o sa aktingan.

"Wala naman pong ganun, wala naman po," sabi ni Sunshine. "I mean, the production actually assign different stylists para sa amin. But with regards to story-wise or acting-wise, wala namang patalbugan."

Wala rin daw pressure na porke pareho silang mahusay na aktres ni Iza ay kailangang mas umangat ang isa over the other.

"Wala naman po... Ever since naman, you know, I've worked with her, it was never an issue naman between us, na may ganung factor. Wala namang labanan, tulungan na lang."

SEXY PICTORIAL. Slim and sexy ngayon si Sunshine, kaya naman walang problema sa kanya if ever magpu-pose siya for a men's magazine, tulad ng FHM. Pero hindi pa raw sa ngayon.

"There was a plan, but I don't know what will happen."

So, papayag siya?

"Depende, hindi naman ako umaayaw. Okay lang, okay lang. Pero depende kung anong concept."

Hanggang saan ang kakayanin niyang pagpapaseksi?

"Yun ang hindi ko pa rin alam!" tawa niya.

Ano ang apprehension niya in posing for a sexy pictrorial?

"Ewan ko, hindi lang ako sanay siguro."

Payag siya na mag-two-piece swimsuit for a photo shoot?

"I really don't know. Pero kung sa beach naman at naka-two-piece, okay lang."

Kung hindi sa beach ang location at two-piece pa rin ang ipasusuot sa kanya?

"Hindi ko alam, I really can't say. Kasi ewan ko, meron kasi akong something na bigla akong nagpi-freeze kapag may ganyan."

Kung siya ba ang tatanungin, anong concept ang naiisip niyang babagay sa kanya in a sexy photo shoot?

"Sana yung totoo sa personality ko. Kasi hindi naman talaga ako pa-girl na pa-girl, di ba? So, parang ang hirap namang mag-pretend, di ba? Hindi rin naman ako sporty, alam mo yun? Kung pwedeng medyo boyish na sexy."

Kung topless siya na nakatakip ang mga kamay niya sa boobs niya?

"Parang hindi ko po yata kakayanin yun!"

SEXIEST MEN. Sino ang limang sexiest male celebrities para kay Sunshine?

"Si Richard Gomez, of course, my Sundo co-star na si Mr. Robin Padilla, si Dingdong Dantes... Sino pa ba? Si Chiz Escudero. He's sexy, huh! Tapos si Jericho Rosales."

Ano ang mga nagustuhan ni Sunshine sa limang nabanggit na mga kalalakihan?

"Si Richard he has withstood time, di ba? Hanggang ngayon, ang guwapo pa rin, guwaping pa rin, sexy pa rin. Si Dingdong for the obvious reasons, of course. Si Chiz, hindi lang yung physical sexiness, pati na rin yung brains niya, di ba? Si Robin, yung totality niya, personality-wise, yung pagiging maginoo and everything. Si Jericho, I've been reading that he's very brainy also," paglalarawan ni Sunshine.

Source: Philippine Entertainment Portal