Toni, Alessandra 'war' gihapon

Author: Sun.Star
Column: Davao, Kalingawan

LAST Tuesday, nag-abot sa noontime show nga 'Wowowee' sila si Toni Gonzaga ug Alessandra de Rossi.

Kung kahinumduman, kapin tuig na ang milabay, nagpatutsada si Alessandra kang Toni tungod kang Jeremy Marquez.

Si Alex ug Jeremy, kanhing mag-jowa.

Si Jeremy, giingon nga kanhing nanguyab kang Toni apan nahulog sa friendship ang tanan kanila.

Giyawyawan ni Alessandra si Toni sa miaging tuig tungod matud pa sa pagsumbong-sumbong sa uwahi ngadto kang Jeremy nga miresulta sa ilang panagbuwag.

Gikasuko sab kaniadto ni Alex ang padayon daw nga pag-email-email ni Toni kang Jeremy.

Wala kaayo gitagad ni Toni ang isyu kaniadto hangtud nga nahilom na lamang.

Apan sa nakalabay nga Tuesday, timing nga guest host sa Wowowee si Alessandra samtang si Toni, nag-guest sa show tungod kay nag-promote sa pelikula'ng 'My Only U' kauban si Vhong Navarro.

Sila si Alex, Mariel Rodriguez ug Valerie Concepcion ang nag-introduce ila ni Toni ug Vhong.

Sa pagsulod nila ni Toni ug Vhong, tataw nga dedma si Alex kang Toni bisan tupad lamang silang duha. Bisan og unsaon, wa gayud makita sa people nga nagtinan-away silang duha.

Hangtud karon diay, padayon pa ang 'war' sa mga girls? Hangtud karon, naa pa gyud ang pagdinumtanay?

Anong say mo Jeremy?

Source: Sunstar Daily