Wa'y network war tungod kang Cory

Author: Sun.Star
Column: Davao, Kalingawan

NAWAGTANG ang network war sa lubong ni kanhi Presidente Cory Aquino tungod kay nagkahiusa ang ABS-CBN ug GMA-7 sa paghatag og update sa katawhan gikan sa Requiem mass hangtud sa paghatod sa lawas ni Cory sa Manila Memorial Park kagahapon.

Magkauban sila si Karen Davila sa ABS-CBN ug Jessica Soho sa GMA sa van diin sakay ang pamilyang Aquino.

Sa Requiem mass, nikanta sila si Erik Santos, Zsa Zsa Padilla, Dulce, Piolo Pascual, Regine Velasquez, Martin Nievera, Ogie Alcasid, Jose Mari Chan ug Lea Salonga.

Tungod niini, napamatud-an nga nahiusa ni Pres. Cory ang duha ka mga networks.

Samtang padulong sa Manila Memorial Park ang cortege, gipakita sab ang pagkanta nila ni Sarah Geronimo, Jed Madela ug APO Hiking Society.

Anyway, gipahilak ni Kris Aquino ang tibuok Pilipinas atol sa iyang pamahayag una gilubong ang inahan.

Sa usa ka interview sa ABS-CBN, si Kris nagsulti nga overwhelmed siya sa nakitang suporta sa katawhan ngadto sa ilang pamilya.

"This is actually more meaningful for us, kasi kung tutuusin, this is a way of the Filipino people to express to my mom na nagpapasalamat sila and you know, whenever you hear anybody say thank you and to hear them say that they love her so much, doon ko nararamdaman talaga."

"Kung dati, ipinaparamdam sa amin that we were not alone in this, ngayon ay ipinaparamdam nila na nagpapasalamat talaga sila sa mga naibahagi ng dad ko and then, ng mom ko. What more can we ask for?" ni Kris.

Source: Sunstar Daily