Young actress, kinukursunada ng espiritu

Author: Vinia Vivar

HOT 'N SPICY

LUTANG na lutang si Jennylyn Mercado sa Metro Manila filmfest movie na Resiklo ni Senator Bong Revilla at maganda ang feedback sa kanya kaya tuwang-tuwa ang young actress, pati na ang manager niyang si Becky Aguila.

Ayon sa manager, ang mga ganitong proyekto ang gusto niya para kay Jen at kung tumatanggi man siya sa ibang projects, ito ay dahil hindi fit para sa kanyang alaga.

Maging ang iba pang mga alaga niyang sina Empress Schuck, Ella Cruz at Barbie Sandino ay magaganda rin ang exposure sa Resiklo, kaya naman super thankful ang manager sa Imus Productions at kay Sen. Bong.
* * *
MUKHANG maganda ang pasok ng taong 2008 para kay Valerie Concepcion dahil isang malaking teleserye ang nakatakda niyang gawin, ang Habang May Buhay, kung saan ay makakasama niya si Judy Ann Santos, no less.

Bukod dito, nakatakda na ring ipalabas next year ang movie niya with Vhong Navarro under Star Cinema.

Kaya naman super happy si Valerie with all the blessings na dumarating sa kanya considering na parang kailan lang, down ang kanyang career at inakalang hindi na makababalik.

Matatandaang nagsimula si Val years ago bilang isa sa important stars ng GMA-7. Mas nauna siya sanang sumikat kay Angel Locsin kung hindi lang dahil sa isang pagkakamaling nagawa niya and this was when she got pregnant at the age of 15.

Pinili ni Valerie na buhayin ang bata sa sinapupunan although kung tutuusin, may choice siyang huwag itong ituloy alang-alang sa kanyang career.

But choosing to keep her baby was the best decision Val had ever made dahil ngayon, three years old na ang cute na cute na si Heather Fiona at inspirasyon ng aktres sa lahat ng ginagawa.
* * *
MAY kakaibang nangyayari sa young actress sa tinutuluyan niyang bahay.
Tila may espiritu raw na nakakukursunada sa kanya, kaya balak niyang magpatawag ng espiritista.

Dati kasing damuhan ang kinatitirikan ng kanyang bahay at hinihinalang may namatay doon, kaya nais niyang magpatawag ng espritista para malaman kung ano ang misteryo ng lugar na iyon.

Medyo maselan ang kwentong ito, kaya hindi na lang muna namin idedetalye.

Source: People's Tonight